En Formación Dixital queremos adiantarnos ao Nadal e facerche un agasallo que pode ser o mellor que recibas en moito tempo.
Formación Dixital é un proxecto da Xunta de Galicia para que, en só 8 semanas de curso, poidas acreditar o teu nivel en competencias dixitais intermedias. Si, liches ben: 8 semanas e, ademais, é 100% gratuíto, 100% en liña e 100% titorizado.
Con esta formación serás capaz de resolver dixitalmente desde cuestións sinxelas do día a día ata outras máis complexas, e coñecer procesos cambiantes nun mundo no que a tecnoloxía avanza de forma practicamente inabarcable.
Ao finalizar a formación, obterás un diploma acreditativo cunha equivalencia de 250 h. (10 ECTS.) que pode abrirche moitas portas tanto a nivel persoal como profesional.
Adiántate ao Nadal, pensa en ti e no teu futuro e faite un agasallo útil, atractivo e moi práctico. O teu primeiro agasallo de Nadal está listo en canto te inscribas en Formación Dixital a través desta ligazón: https://formaciondixital.gal/gl/inscricion/
