- As probas para o ComDix Intermedio terán lugar os días 26, 27 e 28 de novembro e 3, 4 e 5 de decembro
- Para a cobertura inicial das prazas, no caso de que existan máis solicitudes ca prazas dispoñibles, terán preferencia aquelas persoas solicitantes que conten co diploma de aproveitamento do curso Formación Dixital (equivalente a 10 ECTS) de competencias dixitais intermedias emitido pola Amtega.
- As inscricións poden realizarse ata o luns 27 de outubro a través da páxina web da Rede CeMIT.
Prepararte para a obtención da Certificación galega en competencias dixitais no nivel intermedio (ComDix Intermedio) non só é doado, senón que tamén resulta especialmente atractivo se o fas con Formación Dixital.
Mérxete en Formación Dixital e, nun prazo máximo de 8 semanas, superarás un itinerario formativo que che axudará a preparar as probas para acreditar os coñecementos de nivel intermedio, que terán lugar os días 26, 27 e 28 de novembro e 3, 4 e 5 de decembro.
Aínda estás a tempo de obter o certificado ComDix Intermedio e mellorar as túas opcións profesionais, porque desde Formación Dixital axudámosche a acreditar os coñecementos, habilidades e aptitudes necesarias para utilizar as tecnoloxías dixitais, tanto a nivel persoal como social ou profesional.
Formación Dixital é 100% gratuíta, 100% en liña e 100% titorizada. Ti marcas o ritmo, as persoas titoras acompáñante e non che custa nada.
Formación Dixital está dirixida a toda a cidadanía a partir dos 14 anos, e axudarache a desenvolverte de forma autónoma e solvente nos diferentes procesos dixitais.
A través de Formación Dixital traballarás contidos formativos para a preparación do ComDix Intermedio, cunha formación que abrangue as 5 áreas e as 21 competencias definidas no Marco Galego de Competencias Dixitais.
Aprende gozando e prepárate para estar entre os mellores.
Máis de 15.000 galegas e galegos xa forman parte de Formación Dixital!
